Snúðaskrapp

3 nýjar BOM síður :)

2008-05-02T04:45:00.000-07:00

Jánýjustu síðurnar mínar eru allar BOM verkefni. Sú fyrsta er úr BG Sultry línunni og með sizzixuðum blómum, hinar 2 eru úr Sugared línunni frá BG og eru skrappliftar frá Söndru en hún gerir geggjaðar síður :)

2 nýjar síður :)

2008-04-28T14:40:00.000-07:00

Ein ný síða varð til hjá mér í dag og ein varð til í gær og hér koma þær báðar. Þær eru báðar fyrir BOM verkefnið (book of me). Sú fyrri er um uppáhaldsmatinn minn og er úr 2scoops línunni frá BG, og svo er eitt FP chipboard og smá handdútl :) Seinni síðan er um það góða og slæma í fari mínu. Þetta hljómar kannski ansalega en ég átti erfiðast með að finna "það slæma" hehe, fann bara eitt atriði þar;) Hún er úr Sultry línunni frá BG, titillinn er úr thickers frá AC, blómin frá Prima

Bumbumyndir :)

2008-04-23T15:48:00.000-07:00

Þá er ég búin að gera síðu með bumbumyndunum síðan ég gekk með Nótt. Það voru ekki teknar bumbumyndir reglulega en nokkrar náðum við þó að taka og meira að segja fyrir algjöra tilviljun og heppni tókum við myndir 2 dögum áður en Nótt fæddist og það er myndin af mér í bláa bolnum, alveg að springa.
Allavega er hér síðan, pp er Prima og sömuleiðis blómin, rubon frá BG og stafir í titli eru thikers frá AC :)

Heimkoma

2008-04-12T10:07:00.000-07:00

loksins skrappaði ég eina síðu og það er því að þakka að dóttur minni þóknaðist í dag loksins að sofa samfellt í rúmlega 3 tíma úti í vagni. Síðan er með myndum frá deginum sem við komum heim af spítalanum með Nótt. Rökkvi var búinn að vera hjá mömmu í sólarhring á meðan við vorum á spítalanum og var þarna að sjá hana í fyrsta sinn. Það fyrsta sem hann sagði var: "hey, þetta er flott litla barn!" og þessi orð notar hann enn um litlu systur sína daglega :)
Í grunninn er hvítur pp og allur annar pp er úr Two scoops frá BG, Hambly glæra og stafir frá AC, AL textaboxstimpill og dútlið er die cuts úr Two scoops :)

Nokkrar síður :)

2008-04-01T06:28:00.001-07:00

Hér eru nokkrar síður sem ég hef verið að gera undanfarið, en hafa af einhverjum ástæðum ekki ratað inn á bloggið mitt fyrr en núna. 2 efri síðurnar eru úr Two scoops línunni frá BG, en neðsta síðan er með mynd af mér frá því ég hef verið í kringum 10-12 ára og er úr Scarletts letter frá BG :)

Ef líf mitt væri lag...

2008-03-30T08:30:00.000-07:00

Já, þá væri það líklega Ísbjarnarblús. Ekki það að ég sé neitt Bubbafan eða neitt, enda hlusta ég ekkert á hann eða lögin hans. En þessi texti passar svo vel við mig, ekki í bókstaflegri merkingu þó heldur í merkingunni "ég vil ekki eyða lífinu í eitthvað leiðinlegt og merkingarlítið, heldur vil ég njóta lífsins". En hér kemur síðan, pp er BG fruitcake og rubon frá Hambly, nokkur Prima blóm og titill úr BG stöfum úr Figgy línunni :)

Sónarsíða :)

2008-03-28T14:50:00.000-07:00

jæja, loksins skrappaði ég pínu meira, kláraði sónarsíðuna sem er búin að liggja á borðinu hjá mér lengi. Myndirnar eru bestu myndirnar sem ég fékk eftir hvern sónar og textinn segir allt það helsta. Stafirnir eru thickers frá AC, blúnda úr einhverri saumabúð og pappír og blóm frá Prima :)

Sofandi :)

2008-03-07T05:26:00.000-08:00

Ég er búin að taka svo mikið af sætum myndum af litlu skvísunni. Þessi mynd er ein þeirra, og já hún er voðalega sofandi á mörgum þeirra, þar sem hún er nú sofandi mestan hluta sólarhriingsins.
En þessi síða fer í áskorunina um að nota blúndu, eina mynd og eitthvað blátt. PP er bara 2 litir af bláum bazzil og ein örk úr BG Two scoops línunni, blúnda úr einhverri saumabúð og Prima blóm og SU tölur, dútlrubon frá Fancypants og titill er úr Thickers frá AC úr Fjarðaskrapp :)

Fæðing litlunnar :)

2008-03-05T02:13:00.000-08:00

Jæja, ég hef nú ekkert skrappað eða bloggað í smá tíma núna, en ég eignaðist litla stelpu þann 15. febrúar og er búin að vera svolítið upptekin af henni síðan, enda er hún svo falleg og yndisleg að ég gæti horft á hana allan sólarhringinn. Eeeen, ég tók mig nú samt til og skrappaði eina opnu um dúlluna, er búin að vera með opnuna í vinnslu í nokkra daga og svona gripið í hana öðru hvoru. En nú er hún tilbúin. Eitt BG rubon er á síðunni, en allt annað: pp, stafir og hjörtu og svona er úr Two scoops línunni frá BG, nema það er kremaður bazzil bling pp er grunninn. Svo lét ég fæðingarsöguna bara nánast fylgja með í heild sinni :)

Makinn

2008-02-10T14:07:00.000-08:00

Já BOM verkefnið heldur sko áfram á þessu ári og þetta er síða í því. Þemað í þessu verkefni var "ég og ástin eða makinn". Ég fann nýlegustu myndina af okkur Helga saman og notaði hana, finnst hún líka bara fín :) Textinn er svo stutta útgáfan af því hvernig við kynntumst.
Pappírinn í síðunni er frá Crate, línan heitir Cowgirl :)

Íþróttaálfur

2008-02-09T03:04:00.000-08:00

Ég var bara í rosa skrappstuði í gær og gerði þessa frekar seint í gærkvöldi og nennti ekki að setja hana inn fyrr en núna. En þetta eru nýjar myndir teknar núna fyrir öskudaginn 2008. Rökkvi minn var íþróttaálfur og var þetta líka hrifinn af búningnum sínum, fór strax að gera armbeygjur og svona, sýna latabæjartaktana.
En pp er K-ology Addison, lo er skrapplift frá Hönnukj (Risa stóra eplið), svo eru þarna nokkrar BG tölur og stafir í titli eru HeidiSwapp chipboard :)

Meira skrapp í dag :)

2008-02-08T13:18:00.000-08:00

Jæja, ég skrappaði bara svolítið meira í dag fyrst ég var byrjuð.
Fyrr síðan er áramótasíða, frá því núna um áramótin. Rökkvi var bara svolítið spenntur fyrir flugeldunum og vakti því fram yfir miðnætti í þetta skipti. PP er einhver Bohemia lína á MME, blómin eru jólablómin frá Prima.
Seinni síðan er scraplift frá Söndru (Bubble gum girl). Myndirnar eru frá því núna í janúar, við fórum út á róló í Kópavogi einn daginn og vorum með bolta og Rökkvi elskar að fara í fótbolta við pabba sinn, hehe. PP er Periphery frá BG og borðarnir líka, blómin eru frá Prima, stafirnir eru frekar gamalt HeidiSwapp chipboard :)

Stingupeysa :)

2008-02-08T04:57:00.000-08:00

Þessa æðislegu stingupeysu fékst þú í jólagjöf frá "Möggu móðu" ásamt korti þar sem stóð að ef þessi stingupeysa passaði ekki yrði bara prjónuð á þig ný stingupeysa. Svo þú varst drifin í að máta peysuna á jóladag og varst svona líka ekki hrifinn, haha, vildir helst komast úr henni sem fyrst. En hún passaði svooo vel og varst þú því vaninn á að vera bara í henni og settum við á þig mjúka lambhúshettu innan undir rúllukragann og þá var allt í lagi :)
Síðan er svo unnin úr gömlum BG pappír úr Urban Couture línunni, með brúnan bazzil í grunninn :)

Snjór á jóladag :)

2008-02-03T04:38:00.000-08:00

Á jóladag var kom aldeilis fallegur snjór og við skruppum út á snjóþotu hér í Mosó. Ofsalega hljótt og fáir á ferli, enda jóladagur og margir bara inni að kúra eða í jólaboðum.
Pp í síðunni er ýmis snjópappír frá BG, bakgrunnurinn úr Dasher og einhver pp þarna úr Figgy pudding. Kláraði dútlblingið mitt á þessa síðu og er mjög ánægð með það, svo er titillinn úr Bazzil chipboardi :)

Jólin 07

2008-02-02T15:44:00.000-08:00

Ég er alveg að verða búin að skrappa árið 2007, gerði jólin 07 í kvöld. Eins og maður getur nú stundum tekið mikið af myndum þá finnst mér það svolítið gleymast við þessi týpísku "tilefni", eða sem sagt er ég of upptekin af því að njóta stundanna að ég gleymi myndavélinni. Allavega, klukkan rúmlega 8 á aðfangadagskvöld, við búin að taka upp nokkra stóra pakka, þá fattar kallinn að taka fram myndavélina og smella af nokkrum myndum :)
Jæja, pp er Cosmo Cricket Wonderland línan, sem virðist vera jólalínan mín þetta árið, en einnig er þarna smá bútar af bakhliðum á BG Figgy Pudding pp og Prima blóm :)

Nokkur kort :)

2008-02-01T02:17:00.000-08:00

Ég fékk alveg ægilega skemmtilega sendingu frá SU um daginn, nýja stimpla og svona, þetta var auðvitað afmælisgjöfin til mín. En ég byrjaði strax að leika með þá og hér eru nokkur kort sem ég gerði.
Fyrsta kortið er skarpplift frá Möggu, bakgrunnur gerður með að nudda bleki á blað með svampi og svo stimplað yfir og að lokum sett UTEE yfir og brotið, bara varð að prófa þetta, fannst kortið hennar Möggu svo flott, á örugglega eftir að prófa fleiri útgáfur af þessu við tækifæri.
Næsta kort er svo skrapplift frá Svönu, en hún gerði mörg kort í þessum dúr fyrir jólin. Bakgrunnur er gerður með bláum og lillabláum stimpilpúðum og svampi, svo eru trén embossuð með svörtu dufti með glimmeri útí. Svo teiknaði ég nokkra fugla á tunglið :)
Síðasta kortið er bara svona út í loftið, fiktaði mig áfram með sömu hluti og í hinum 2 kortunum, bakgrunn og embossuð tré og UTEE yfir, á eftir að fikta fullt fullt meira :)

Snjósíða :)

2008-01-26T15:55:00.000-08:00

Við skruppum aðeins á snjóþotu niður á Miklatún í dag. Veðrið var gott og fullkomið fyrir snjóþotudag. Rökkvi skemmti sér konunglega og hamaðist allan tímann, ýmist við að brölta upp brekkuna með snjóþotuna eða bara við að hnoðast í snjónun. Ég veit heldur ekki hvort honum fannst skemmtilegra að renna sér niður brekkuna eða rúlla sér, en það var allavega bæði gaman:)
Í síðuna notaði ég nánast eingöngu pp og stafi og dót úr KI memories kassanum sem ég fékk í verðlaun í BOM-inu (ég var sú sem var dregin út af þeim sem kláruðu öll verkefnin). Að auki er þarna smá rest af BG ruboni og einn journalstimpill frá AL. Annað er held ég úr kittinu :)

2007 :)

2008-01-25T15:10:00.000-08:00

Fyrsta BOM síða ársins tilbúin (BOM = book of me). Þetta er uppgjörssíða fyrir árið 2007, þar sem við förum yfir það helsta sem gerðist á árinu. Mín varð frekar textalítil í þetta sinn, en segir allt það helsta þó.
Í síðuna notaði ég Infuse línuna og rubon frá BG og Bazzil chipboard í titilinn :)

Jólakortamyndin 2007

2008-01-25T07:28:00.000-08:00

ég skellti bara í eina síðu núna rétt í þessu, en þessi mynd er myndin sem endaði í jólakortunum núna þessi jólin. Pappírinn er Cosmo cricket, Wonderland línan, nokkur Prima blóm eru á síðunni og BG tölur og límmmiðastafir :)

Jólarass :)

2008-01-22T15:11:00.000-08:00

Hér kemur ein þokkalega skrapplift síða frá Lindu Ak. Ég ákvað að nota líka jólamyndir á síðuna eins og er á Lindu síðu. En þessi pp er frá Cosmo Cricket og línan heitir Wonderland og er jólalína frá þeim. Á síðuna notaði ég svo Prima blóm og BG Mellow tölur í miðjuna. Myndirnar eru frá fyrri jólakortamyndatökunni 2007. En engin af þessum myndum endaði í jólakorti, en mér finnst þær samt svo sætar. Rökkvi hljóp út um allt hús með jólasveinahúfuna og gerði í því að snúa sér við og dilla rassinum í mig um leið og ég lyfti upp myndavélinni, litli jólarassinn minn :)

Fleiri síður :)

2008-01-21T02:52:00.000-08:00

Og ég gerði 2 síður í viðbót, þessi fyrri er úr Obscure pp frá BG en þessi seinni er enn ein síðan úr Mellow frá BG, nú held ég líka að ég sé komin í smá pásu frá Mellow, enda búin með flestar haustmyndirnar 2007 :)

Haustsíður

2008-01-20T07:17:00.000-08:00

Ég byrjaði eitthvað að skrappa smá í gærkvöldi og gerði þá fyrri síðuna en var bara að enda við að klára hina núna. Fyrri síðan heitir "Róló með bát" og það er það sem Rökkvi kallar þennan ákveðna róló sem við höfum stundum gert okkur ferð á, en hann er ekki hér í nágreninu. Hin síðan er með myndum frá yndislegum haustdegi við tjörnina, en hún er skraplift eftir einni síðu frá Gabrielle á sb.com http://www.scrapbook.com/galleries/84905/view/1161259/-1/0/1.html en þó með allt örðum litum og allt öðru þema. En í báðar síðurnar notaði ég Mellow línuna frá BG og er ég þá búin að fera 5 síður á þessu ári úr þessari sömu línu :)

Níu kort í dag :)

2008-01-10T03:14:00.000-08:00

Þá er ég búin að gera mín fyrstu kort ársins, en þau urðu óvart 9 talsins, fyrst ég var komin í kortagírinn. Ég átti nokkrar stimplamyndir sem ég var búin að vera að dunda mér við að lita og svona og notaði þær auðvitað. Svo notaði ég nú bara einhverjar stakar skrapparkir sem ég fann í "stakar-einlitar-arkir"-bunkanum mínum. Ég notaði stimplasettið Stem Silhouettes frá SU í bakgrunnana, er alveg rosalega hrifin af þessu setti, en hef enn ekki notað það mikið, þar til núna. Myndastimplarnir eru héðan og þaðan, regnhlífastimpillinn er Whipper Snapper, fíllinn er Penny Black, sjóræningjakortið er SU stimplarúlla og litla sæta risaeðlan er stimpill sem Helgi keypti í London :)

Bakaradrengur

2008-01-05T06:04:00.001-08:00

Ég skellti í eina síðu í gærkvöldi og hér er afraksturinn. Þetta eru myndir síðan í september líklega, en ég er búin að vera svo dugleg að baka í haust og alltaf er Rökkvi tilbúinn að hjálpa til og er ekkert smá áhugasamur og duglegur í eldhúsinu. Hann elskar líka að hjálpa til þegar ég er að elda og þá sérstaklega við að skola allt grænmetið og svona og fá að setja í pottana og hræra, það er toppurinn :)
En í síðuna notaði ég Periphery pp frá BGm, einhver Prima blóm og svo stimpla :)

Fyrstu síður ársins :)

2008-01-04T09:45:00.000-08:00

Þá eru fyrstu síður ársins 2008 að dottnar inn. Gerði þessar 3 í gærkvöldi, er að vinna áfram í þessu venjulega albúmi, þessar myndir eru frá því í júlí og ágúst 2007. Allar síðurnar eru úr BG Mellow línunni, datt í hana í gær og notaði þá bara hana, enda er hún algjört æði. Svo eru þarna einhver stór prima blóm og svona :)

Síðustu BOM síðurnar :)

2007-12-31T04:52:00.000-08:00

Jæja, þá er ég búin með öll verkefni þessa árs. Hér eru síðustu síðurnar í því:)

Nokkrar nýjar BOM síður :)

2007-12-29T16:52:00.000-08:00

jájá, þá er sko verið að nota síðustu daga ársins í að vinna upp BOM (Book Of Me) verkefni ársins til að vera nú með í pottinum góða. Eníhú, ætla ekkert að segja mikið um þessar síður, nema þetta eru síður eftir fyrirfram ákveðnum fyrirmælum og hér er afrakstur síðustu daga :)

Piparkökur :)

2007-12-09T04:48:00.000-08:00

Jæja, við helltum okkur í það að skreyta piparkökuhús og mála piparkökur. Rökkvi var alveg ýkt ýkt spenntur og byrjaði af miklum krafti, en fljótt varð hann leiður á þessu og fór að gera eitthvað annað. Þá sat ég ein eftir og uppi með heilt piparkökuhús, haha, sem ég skreytti auðvitað, en Rökkvi kom nú hlaupandi til mín inn á milli og bannaði mér að snerta smartísið, hann ætlaði sko að setja það á og það mátti sko ekkert nota alla litina takk. En þetta varð útkoman, haha, en það skal tekið fram að þetta er í fyrsta sinn sem ég geri piparkökuhús sem fullorðin, man eftir að hafa verið þessi sem var hlaupandi með nammið einhvern tíma :)

Músakort

2007-11-16T07:23:00.000-08:00

Rökkvi settist hjá mér inn í skrappherbergi í gær og sagði við mig: "mamma, mig langar til að gera eitthvað skemmtilegt" "já, eins og hvað?" svaraði ég, og þá kom bara "mamma, mig langar að búa til kort", og mér faaaannnst þetta svoooo krúttað. En allavega, við ákvaðum þá að búa til músakort og náðum í stimpil og byrjuðum að stimpla og lita músamyndir. En eirðin hans Rökkvi náði ekki svo langt að úr því yrðu kort, en ég hins vegar sat uppi með fullt af stimpluðum músamyndum, sem í dag voru svo heppnar að verða að kortum.
Hér eru 3 sýnishorn, en í allt gerði ég 12 músakort, öll með sömu myndinni og öll úr eins rauðu kartoni í grunninn, munstraði pp er svo bara afgangar og svona :)

Saumaskapur :)

2007-11-16T01:14:00.000-08:00

Sumir vita það nú þegar, en ég geri semsagt ýmislegt fleira en að skrappa og búa til kort, þó það sé vissulega "aðal" föndrið mitt. En í sumar byrjaði ég að sauma út pínulitla stjörnumerkjamynd. Hún er í raunveruleikanum 9 cm á alla kanta frá ysta saum að þeim ysta. En í einni lengju af sporum eru 90 spor, svo hvert spor er um 1 mm. En loksins fyrst núna er verkið tilbúið, já ég er búin að grípa í það af og til síðan í sumar. Nú vantar mig bara sætan lítinn ramma í réttri stærð en það kemur við tækifæri. Hér er allavega saumamyndin :)

Nokkur jólakort í viðbót:)

2007-11-14T01:23:00.001-08:00

Jæja ég gerði nokkur kort um daginn (þegar Rökkvi var að föndra með mér) en ég var ekki búin að setja þau inn. Það er nú bara karton í kortunum sjálfum og svo litaðar stimplamyndir frá öðrum (snjókallinn er úr Frosty settinu frá SU sem Hildur á). Svo notaði ég afganga af BG jólapp og eitthvað pínu skraut svona :)

Rökkvakort :)

2007-11-13T09:58:00.001-08:00

Já Rökkvi fékk að gera eitt jólakort með mér í gær. Ég var sko búin að embossa myndina þegar hann ákvað að hann vildi gera bílakort. Svo hjálpuðumst við að við restina, ég hélt við endann á pp renningnum á meðan hann límdi restina niður og svona, svo þurfti auðvitað að merkja kortið alveg eins og ég geri við öll mín kort. Hann stimplaði auðvitað sjálfur enda fullvanur því, svo héldum við saman á pennanum og ég sagði hvert hann ætti að fara og hann stýrði, en svo vildi hann bara skrifa sjálfur og það gekk svona ljómandi vel. Svo var hann svo stoltur af listaverkinu sínu að hann gekk um með það í höndunum þar til pabbi hans kom heim, svo hann gæti sýnt honum :) Hann er sko upprennandi skrappari drengurinn :)

Ný síða loksins:)

2007-11-09T01:47:00.000-08:00

Ég fattaði allt í einu í gær að það væri liðinn rúmlega mánuður síðan ég gerði venjulega síðu, MÁNUÐUR! Ég er ekki viss um að það hafi nokkurn tíma liðið lengri tími á milli þess að ég gerði síðu. Eg ég er alveg búin að föndra smá í millitíðinni samt, nokkur kort og svona.
Jæja, hér er semsagt síða með myndum sem teknar voru núna í september, þegar við fórum litla fjölskyldan í smá bíltúr á Þingvelli, þar lögðum við bílnum og fórum í smá haustgöngu í gjánni, ekkert smá gaman, Rökkvi skoppaði um allt og hoppaði á milli allra steinanna og svona. Svo smelltum við nokkrum myndum enda fallegt veður og svona.
Í síðuna notaði ég Periphery Bazzil í grunninn, svo nokkrar ræmur af pp úr Periphery línunni frá BG. Gamalt BG dútlrubon og MM rubon í titilinn. Svo gerði ég blómið audda með TT stimplum :)

Jólatré :)

2007-11-08T00:28:00.000-08:00

Hér eru nokkur kort með jólatrjám framan á. Hér notaði ég bátt karton og stimplaði það með versamark bleki með svona stjörnustimpli frá SG. Svo raðaði ég saman hjörtum í jólatré og límdi niður :)

Fleiri jólakort :)

2007-11-07T02:10:00.000-08:00

Ég ákvað að gera nokkur jólakort í gærkvöldi og skellti í þessi hérna (og nokkur önnur eins í viðbót).
Stimpillinn er su stimplahjól, embossað með silfruðu, pp er bara karton, svo eru mismunandi prima blóm á hverju korti :)

Fjöldaframleiðsla :)

2007-11-04T11:02:00.000-08:00

Ég gerði nokkur kort í viðbót um helgina, já þau eru nú næstum alveg eins öll eða svona því sem næst, örlítið misjafnt hvaða munstraði pp var notaður og hvaða borði passaði við, en heildarútlitið það sama. Þetta er stimpill frá London embossaður með grænu dufti með grænu glimmeri í :)

Jólakortafár :)

2007-11-02T02:15:00.000-07:00

Jæja, ég datt í svaka kortagír í gærkvöldi og embossaði fullt og sullaði saman hinum og þessum duftum og glimmerum og þetta var voða gaman. Hér er allavega afraksturinn, heil 8 kort sýnist mér. Stimplarnir sem ég notaði eru þeir sem Helgi keypti handa mér í London og svo var ég að prófa að nota wersamark blekið (sem Helgi keypti líka) og gera svna "bakgrunna" og þannig, ýkt gaman. Í þetta notaði ég svo karton og smá munstraðan blitsen pp og einhverja borða héðan og þaðan :)

Smá svona :)

2007-11-01T04:07:00.000-07:00

Jæja, ég var að hlusta á 2 fyrirlestra úr skólanum í gær (heima í tölvunni sko) og ákvað að nota pínu tímann og dunda mér eitthvað á meðan, enda hef ég svooo lítið getað föndrað undanfarið útaf skólanum. En sem sagt, þetta er frekar einfalt og svona, enda var borðið mitt undirlagt af glósum og svona á meðan, en ég fann smá laust pláss og föndraði þessi 3 litlu kort og nokkra jólapakkamerkimiða :)
Stimplarnir á merkimiðunum eru SU Merry and bright
En stimpilinn á kortunum keypti Helgi handa mér í London :)

Skrappliftisíða :)

2007-10-08T06:23:00.000-07:00

Ég ákvað að skrapplifta einni geggjaðri síðu frá Möggu Mjúku (sem hún skrapplifti einhvers staðar frá hihi). Hér er útkoman úr því, en ég notaði brúnan cardstock og svo bláan bazzil (úr Mellow bazzil pakkanum), svo 2 arkir úr Mellow línunni. Ég klæddi ch úr annari örkinni, en hin er í bakgrunni. Þarna eru svo Prima blóm og nokkrar tölur, stimplaði smá hring með FP "from the garden" stimplunum og handdútlaði smá í lokin. Stafirnir eru líka úr Mellow frá BG. Myndina (ásamt þeim sem verða á síðunni á móti) tókum við í ágúst í elliðaárdalnum, við fórum þangað í gönguferð í ljúfri síðsumarrigningu og það var BARA gaman :)

Aftur 2 í BOM :)

2007-10-05T14:32:00.000-07:00

Jæja, ég er ekkert smá dugleg í þessu BOM verkefni (Book Of Me) og það er bara gaman sko. Nú voru verkefnin "hvað ég myndi segja mér sem 15 ára" og "27 markmið fyrir næsta afmæli". Þá er bara að setjast við tölvuna og opna word og gá hvað kemur út úr manni, og hér er semsagt útkoman. Fyrri síðan er unnin úr nýja Obscure pp frá BG, það er svona ekta ungligalína, pp er eins og hann hafi verið sprayaður og svo eru hauskúpur og krass á sumum blöðunum, haha, ég er alveg að fíla hann, þó hann sé skræpóttur. Hin síðan er svo úr nýja Bohemia pp, hann er bara fallegur í alla staði, svo fallegir litir og munstrin æði :)

2 í BOM :)

2007-10-01T03:22:00.000-07:00

Gerði 2 síður í gærkvöldi, báðar eru BOM (Book Of Me). Önnur er um besta vin/vinkonu og í hana notaði ég BG pp úr Lillykate línunni í grunninn en restin af pp er frá MME úr Signature Life "Be" línunni. Titillinn er bazzil cb og MM rubon.
Hin síðan er um draumastarfið, eða "hvaða starf ég myndi vinna ef ég gæti alveg ráðið". PP í síðunni er úr Signature Life "Be" línunni frá MME og rubonið er frá BG :)

Nýjar BOM síður :)

2007-09-29T17:31:00.000-07:00

Loksins dreif ég mig í að gera nokkar síður í BOM verkefnið góða, jájá, þau hrúgast upp verkefnin svo það er um að gera að safna þeim ekki lengi. En þetta eru líka ýkt skemmtileg verkefni svo engin ástæða til.

Fyrsta síðan er um "frægu stjörnuna mína" og OMG þetta var auðvita bara skemmtilegt sko, þurfti að gúggla leeeengi og skoða aaaaaalllaaar myndirnar veeeeel og leeengi haha, já gat svo valið á endanum. Helt að við ættum að gera svona lista með 5 celeb sem maður myndi vilja ... sjúddírarírei, en það reyndist erfitt að velja 5. Eftir alla fyrirhöfnina komst ég að því að maður þurfti ekkert að velja 5, bara einn, en ein hafði bara valið 5 eins og í Friends muniði og ég hélt þess vegna að maður ætti að gera það, og ákvað að halda mig bara við það fyrst listinn var loksins kominn saman (og plastaður). Jæja pp er Blush frá BG :)

Hinar síðurnar eru um foreldrana sem áhrifavalda í lífi okkar, mjög skemmtilegt líka. PP aftur Blush línan, dútlstimplar frá FP og rubon frá BG og juornalbox rubon frá foof-a-la :) Njótið vel og leeeengi :)

Nokkur jólakort :)

2007-09-28T03:42:00.000-07:00

Í gærkvöldi ákvað ég að föndra nokkur jólakort enda var ég búin að lita nokkrar myndir og svona, búin að prófa nýja bílstimpilinn minn frá SU. Allavega hér eru kortin, þetta er nú bara rautt og grænt karton og svo smá borðar og stimplamyndir, frekar einföld kort, svo er embossað á þau "Gleðileg jól" og kannski eitt blóm eða smá skraut :) Já svo gerði ég nokkra jólapakkamerkimiða og notaði stimplana "Merry and bright" sem Hildur Ýr á, mér finnst þeir æði :)

Ein í vestfjarðaalbúmið :)

2007-09-19T03:11:00.000-07:00

Hér er ein ný síða í vestfjarðaalbúmið. Þessi síða er úr hinum mjög svo fallega nýja BG pappír, línan heitir Periphery, dútlið og útklippta blómið og það er allt úr þessari sömu línu frá BG, grænu blómin efst á síðunni eru frá Prima. Myndirnar eru teknar í bílnum á leiðinni heim eftir æðislega viku fyrir vestan :)

jólakortamyndaalbúm :)

2007-09-17T05:33:00.000-07:00

Já það er víst nýjasta hugmyndin mín, ég bjó sem sagt til pokaalbúm í stærðinni 8x8 og ætla að hafa það albúm fyrir jólakortamyndirnar sem við sendum frá okkur næstu árin. Ég ákvað að byrja á árinu 2004, sem var fyrsta árið sem við sendum mynd í jólakorti enda fyrstu jólin hans Rökkva. Ég er búin með 2 síður í albúmið, jólin 2004 og 2006, á svo eftir að gera fyrir 2005 og svo bara eina síðu í albúmið á ári.
Hér eru þessar 2 síður, báðar úr BG jólapp:)

Myndakassi :)

2007-09-16T06:23:00.000-07:00

Jæja, þá er skólinn byrjaður aftur í öllu sínu veldi, með heimavinnu og lestri eins og ég veit ekki hvað, ég sem ætlaði að vera svooooo dugleg að skrappa í haust og svona, pósa allta reglulega hingað og þannig. En allavega þá gerði ég einn myndakassa síðastliðið föstudagskvöld meðan ég hlustaði á fyrirlestur á netinu. Hann er úr bazzil pp og síðurnar eru úr K'ology, blóm frá Prima og bling.

Taska

2007-08-23T07:35:00.000-07:00

Jæja, þá er ég búin að sitja heima og gera tösku hihi, í stíl við litla kortaboxið sem ég gerði um daginn, í hana ætla ég svo að setja nokkur kort og gefa seinna :) Njótið vel

Fleiri kort

2007-08-23T04:06:00.000-07:00

Sko ég gerði nefninlega fleiri kort en þessi 2, en það virðist ekki vera hægt að setja inn nema max 5 myndir í einu, svo hér eru myndir af hinum kortunum sem ég gerði :) Þetta eru House-mouse stimplar :)

Kortagír

2007-08-23T03:43:00.000-07:00

Ég datt aðeins í smá kortagír, drengurinn er svo duglegur í aðlögun á nýja leikskólanum að ég hef bara allt í einu aftur smá tíma á daginn til að dunda mér, eða sko þangað til skólinn byrjar aftur. En í dag ákvað ég að gera nokkur kort :)Þessi er gerð með blómastimpli sem ég á ekki sjálf heldur fékk að nota einhvers staðar. Ég litaði á stimpililnn sjálfan með tússlitum og stimplaði svo, pp er afgangar :)

Nýjar síður...

2007-08-22T15:17:00.000-07:00

í leikskólaalbúm Rökkva. Já mér finnst ég þurfa að fara að klára það fyrst hann er nú byrjaður á nýjum leikskóla og svona, aldrei að vita hvað maður fær af myndum þaðan til að gera fleiri albúm. Allavega hér eru 3 nýjar síður úr Crate línum, 2 þeirra eru úr "New Garden" línunni og ein er úr "Cowgirl" línunni. Ein af síðunum er eftir skissu eftir hana Möggu held ég, en ég var ekki með skissuna heldur skrappaði hana eftir minni hehe, hinar eru skrappliftuð lo úr tímaritum :)

Blómakort

2007-08-20T05:21:00.000-07:00

Jæja, í kortafárinu mínu í gær gerði ég líka 2 svona blómakort, finnst þetta svolítið fallegur stimpill.

2 jólakort

2007-08-19T15:33:00.000-07:00

Ég gerði loksins 2 jólakort, finnst gott að byrja á því núna, lenda ekki í stressi með það í desember hehe, en hér eru þau, þetta er BG Blitzen pp og stimplamyndir úr stimplaleik :)Hey, ég sé núna að jólatrén líta út fyrir að vera gul, en þau eru sko lituð græn haha, liturinn hefur bara skannast svona skringilega :)

Kortablogg

2007-08-19T05:34:00.000-07:00

eða sko, ég bara varð að prófa smá embossing folderana sem ég fékk nýlega og gerði því 2 kort, en ætla að fara að gera aðeins meira af kortum á næstunni. Verð að viðurkenna að ég er ekkert súperánægð með músakortið en mér lá svo mikið á að klára það að það bara verður ekki betra, haha. En þessi kort eru gerð bara úr afgöngum, og stimplamyndum sem ég átti tilbúnar, hehe.

Mini card box :)

2007-08-18T07:36:00.000-07:00

Já, Hulda P á skrapplistanum setti inn slóð á leiðbeiningar um gerð svona "mini card box" og ég ákvað bara í morgun að prófa að gera svona box meðan pjakkurinn horfði á barnatímann. Þetta varð útkoman hjá mér :)Hér er svo slóðin á leiðbeiningarnar http://justgivemestamps.typepad.com/my_weblog/2007/08/mini-card-boxtu.html svo getur fólk auðvitað skreytt boxið að vild :)

síður síðan í síðustu viku :)

2007-08-14T15:00:00.000-07:00

Jæja þá er stefnan að reyna að setja inn síðurnar sem ég gerði í bústaðnum með Hildi. Myndirnar eru frá ferð okkar fjölskyldunnar á vestfirði og fara þessar síður í sér albúm ásamt fullt af síðum sem ég á eftir að gera.
Here goes :)

2007-08-13T15:27:00.000-07:00

Snúður í sumarfríi

2007-08-13T15:02:00.000-07:00

Jæja, þar sem litli snúðurinn minn er búinn að vera í sumarfríi en kallinn farinn aftur að vinna þá gefst mér lítill tími í tölvunni og bitnar það jú á þessari síðu. Snúðurinn þarf sína athygli á daginn þegar við erum 2 ein heima og kallinn þarf sína athygli á kvöldin eftir vinnu, svo þið skiljið mig.
Allavega, ég hef nú samt skrappað smá svona eitt og eitt kvöld og hér eru sem sagt síðurnar sem ég hef gert síðan síðasta færsla var sett inn. Ætla svosem ekkert að segja um þær.
Vonandi fer ég svo að pósta inn nýju dóti með styttra millibili, sjáum til hvernig það verður :)

Aftur í gang

2007-07-24T10:10:00.000-07:00

Jæja, þá er maður búinn að vera í smá fríi, skreppa aðeins á vestfirðina og svona, vera heima með kallinum og stráknum, og þá er minna skrappað á meðan. Ég er semsagt ekkert búin að skrappa síðan 3, júli, en skellti nú einni síðu saman í gær og ég verð að viðurkenna að mér fannst bara soldið erfitt að byrja aftur eftir þó ekki lengri pásu hihi, en síðan er seinnihluti einnar síðunnar frá því í síðustu færslu. En þetta eru myndir teknar í skógræktinni á Akranesi, við að leika okkur þar, pp er Autumn leaves og blóm frá MM og splitti frá Queen & co :)

3 síður á dag, koma skapinu í lag

2007-07-03T06:07:00.000-07:00

Í gær fór ég og skrappaði hjá Hildi Ýr og ég gerði þar þessar 3 síður. Hún var hinsvegar rosa öflug og gerði 3 opnur minnir mig.

Allavega er efsta síðan hluti af opnu sem ég á eftir að klára og svona. Hún er úr svörtum bazzill pp ásamt munstruðum Autumn Leaves pp, svo eru þarna svart/hvít blóm frá MM og splitt frá Queen & co.

Næsta síða er síða í leikskólaalbúmið hans Rökkva. Hún er úr Urban Couture línunni frá BG, dútlstimplar frá TT, Prima blóm og bling.

Síðasta síðan er líka í leikskólaalbúmið. Hún er úr Wanted línunni frá Cosmo Cricket, dútlstimplar eru frá AL og svo smá bling, skissan eftir Þórunni :)

Pokaalbúmakvöld

2007-06-30T04:09:00.000-07:00

Á fimmtudaginn höfðum við lítið pokaalbúmakvöld hér heima hjá mér, við vorum 4 saman og ég sú eina sem hafði gert pokaalbúm áður. Þetta gekk nú samt ágætlega og í lok kvölds voru allar komnar með albúmið sjálft og sumar búnar með forsíðu. Ég kláraði bæði forsíðuna og baksíðuna sama kvöldið. Hér er svo afraksturinn, mitt albúm á semsagt að vera Afmælisdagabók. Ég notaði Stella Ruby pp frá BG í bæði forsíðuna og baksíðuna, smá bling á forsíðuna og stórt blóm, og dútlstimpill á baksíðuna, borðar úr ýmsum áttum:)

3 síður á dag...

2007-06-22T11:40:00.000-07:00

er greinilega akkúrat það sem ég virðist afkasta á heilum skrappdegi :) Ég sat hjá Hildi Ýr í dag og við skröppuðum helling.

Fyrsta síðan er eftir skissu frá Hildi Ýr og myndin er rúmlega ársgömul. Pappírinn er Stella Ruby frá BG, svo notaði ég nýju FancyPants stimplana mína (þeir eru sko geggjaðir) og Prima blóm og bling (enda möst) :)

Næsta síða með myndum af Rökkva og pabba sínum á "pabbakaffi"-degi í leikskólanum. Pappírinn er Stella Ruby frá BG og svei mér þá ef síðan er ekki líka eftir skissu frá Hildi Ýr, svo notaði ég auðvitað nýju FancyPants stimplana :)

Síðasta síðan er úr Samantha línunni frá Crate, já ég missti mig aðeins í FancyPants stimpalana og setti svo Prima blóm og bling og eitt lítið dútlbling :)

Enn mikið skrappað

2007-06-19T10:52:00.000-07:00

Annar dagurinn í röð sem við Hildur Ýr sitjum við skrappið heilan dag saman, í þetta sinn heima hjá henni. Það var rosa gaman og við skröppuðum báðar helling, ég gerði 3 síður.

Efsta síðan er með myndum sem eru teknar uppi í rúmi, þar sem Rökkvi var að segja mér hellings sögur. Pappírinn er allur úr Stella Ruby línunni frá BG, ég klæddi líka hornklofa chipboard með pp, svo er þarna eitt hvítt Prima blóm og tölur frá MM, skissan er eftir Þórunni :)

Önnur síðan er með myndum af Rökkva að skemma stóran turn hér heima. PP er úr Scarlett´s Letter línunni frá BG. Prima blóm og bling og dútl stimplað með AL stimplum, skissa eftir Þórunni:)

Neðsta síðan er úr pp úr Samantha línunni frá Crate Paper, blómin eru Bazzill blóm og svo er dútlað og blingað, skissa eftir Þórunni :)

Mikið skrappað í dag :)

2007-06-18T11:38:00.000-07:00

Í dag höfðum við Hildur Ýr skrappdag heima hjá mér. Afköstin teljum við vera mjög góð, þar sem við skröppuðum 3 síður hvor.

Efsta síðan er síða í BOM (book og me) albúmið. Þetta verkefni var "týpískkur íslendingur" þar sem við áttum að útskýra afhverju. Síðan er unnin eftir skissu frá Pagemaps, pp í síðunni er úr Perhaps línunni frá BG, ég prentaði út titilinn og setti auk þess bling og borða:)

Neðri síðurnar eru opna með myndum sem voru teknar fyrr í júní þegar við fjölskyldan fórum í bíltúr til Borgarness. Við stoppuðum hjá litlum skógi til að snarla smá þegar Rökkvi vaknaði eftir lúrinn sinn í bílnum, svo fórum við inn í Borgarnes og lékum okkur fullt (það verður önnur opna úr þeim myndum síðar).
PP í síðunni er frá K&co og Upsydaisy, embossuð prima blóm, MM rubon í titli og bling, fyrri síðan í opnunni er eftir skissu frá Þórunni ;)

Skrapp í gær

2007-06-16T02:12:00.000-07:00

til Hildar til að skrappa. Það reyndist mjög árangursrík skrappheimsókn. Ég skrappaði 1 opnu í venjulega Rökkva albúm og 1 síðu (og þá fyrstu) í nýtt leikskólaalbúm. Það er síðan sem birtist hérna með.

Síðan er úr pp frá MM (Making Memories), Rubonið í titlinum er líka frá MM, dútlstimplar frá AL (Autumn Leaves), journal stimpill frá AL, blóm frá Bazzill. Að lokum er síðan unnin eftir skissu frá Þórunni :)

Kláraði og sýndi leikskólaalbúmið :)

2007-06-13T10:26:00.000-07:00

Jæja, þá var leikskólaalbúmiið orðið fullt og ég fór með það í leikskólann í gær og skildi það eftir svo allir sem vildu gætu kíkt í það. Það vakti mikla lukku, held að öllum hafi fundist það geggjað (eða sko þær sögðu það allavega). Ég var nú hálffeimin þegar ég kom með það, en voða ánægð líka að geta sýnt þeim hvað ég geri við þetta dularfulla magn af myndum sem ég er alltaf að sníkja brenndar á disk.

Jæja, hef nú ekkert skrappað í dag, en aldrei að vita hvað gerist í kvöld, finnst eins og ég fari að detta í einhvern kortagír :)

Bestu vinir

2007-06-11T06:42:00.000-07:00

Já, þeir eru sko langbestu vinir þeir Einar og Rökkvi. En það var sko ekki alltaf þannig. Ég man bara fyrsta daginn sem ég kom með Rökkva í aðlögun, þá var ég með honum í leikskólanum í klukkutíma. Hann hefur verið um 16 mánaða gamall. Allavega þá labbar upp að okkur lítill ljóshærður stubbur (3 mánuðum eldri en Rökkvi), horfir stíft framan í Rökkva og slær hann svo utanundir af miklum krafti og Rökkvi minn fór að háskæla og var mikið sár, enda óöruggur og á nýjum stað innan um fullt af ókunnugum krökkum. Ég benti fóstrunum (fyrirgefiði orðið, en ég nenni ekki að gera greinarmun á leikskólakennurum og leiðbeinandum og kalla því allt fólkið fóstrur) á hvað hafði gerst og fékk að heyra nafn drengsins sem sló, já Einar, ákvað nú að muna þetta nafn og var handviss um að þetta nafn ætti ég eftir að heyra mjög oft. Jújú mikið rétt, um leið og ég fór að skilja Rökkva eftir á leikskólanum þá var þetta nafnið sem var talað um eftir leikskóla og eftir því sem orðaforði Rökkva jókst fékk ég að heyra fleiri sögur af Einari, en þær voru nú allar góðar, enda voru þeir pjakkar laaaangbestu vinir alveg uppfrá þessu og eru enn í dag.

leikskólaalbúmið í brennidepli

2007-06-11T04:31:00.000-07:00

Nú er ég að vinna svolítið mikið í leikskólaalbúminu og hér er enn ein í það. Þessar myndir eru líklega frá því í lok síðasta sumars. Þarna er hann að pússla með henni Kollu á deildinni, sem hann fílar sko í botn (reyndar elskar hann allar stelpurnar sem vinna á deildinni).

Allavega, hér er nú bara brúnn bazzill í grunninn og svo einhver afgangur af gulum pp úr BG líklega lillykate línunni. Journal stimpill og svo dútlstimplar. Eitt stórt blóm sem ég hef líklega keypt í Europrís og tekið í sundur fyrir löngu síðan. Á blóminu er svo nælumetalskraut og einnig er smá gult bling í dútlinu :) Síðan er unnin eftir skissu frá Þórunni sem ég breytti samt svolítið :)

Ein án titils

2007-06-10T13:46:00.000-07:00

Hér er ein síða sem fer í leikskólaalbúmið. Ég held þetta sé söngmappa sem hún er að sýna þeim á myndinni, en ég veit það samt ekki, mér finnst myndin bara sæt.

Bakgrunnur er hvítur cardstock úr Föndurstofunni og blái er bazzil, svo notaði ég nýju dútlstimplana mína og gömlu í bland og punsaði út hjörtu í ýmsum brúnum tónum, rikrak borði og svo eru smá handdútlaðar doppur, síðan er eftir skissu frá Þórunni :)

Vinir

2007-06-09T04:55:00.000-07:00

Já þeir eru sætir vinir litla fjóreykið á leikskólanum, þeir Rökkvi, Einar, Baldvin og Halldór. Alltaf saman. Mjög snemma byrjaði Rökkvi að tala um þessa sömu stráka þega hann kom heim úr leikskólanum á daginn og enn eru það sömu nöfnin. Þessvegna finnst mér þessi mynd svo æðisleg, því þarna eru þeir saman vinirnir, svooo sætir :)

Þessi síða er eiginlega unnin úr afgöngum, grunnpp er úr einhverri Wild Asparagus línu, stakt blað sem ég átti eftir, brúni pp er Bohemia og brúni munstraði er frá Fancypants, en mér finnst þetta passa rosalæega vel saman. Svo notaði ég nýju dútlstimplana og journal stimpil, ég elska alla þessa nýju. Chipboardið er Crateboard og svo er bling í dútlinu. Síðan er svo unnin eftir skissu eftir Þórunni skissusnilling, ég elska skissurnar hennar og á sko eftir að nota fleiri :)

Elskar

2007-06-08T14:03:00.000-07:00

Já hann Rökkvi elskar húsdýragarðinn. Hann er búinn að fara þangað 3var núna í lok mai og er ég nýbúin að skrappa eina síðu með myndum þaðan og hér er síða úr ferð 2. Í þetta sinn vildi hann klappa dýrunum en hefur hingað til verið pínu smeykur við þau, en samt voða spenntur fyrir þeim. Allavega, hann var svo mikið krútt að klappa öllum dýrunum og svona, og svo er auðvitað mikið stuð að leika sér fjölskyldugarðsmegin.

Já síðan er úr pp úr Scrap í Fjarðarkaupum (man ekki hvað pp heitir), svo notaði ég nýju dútlstimplana mína, þeir eru ÆÐI, takk fyrir!!!! og notaði líka skissu eftir hana Beggu :)

Loksins

2007-06-06T14:02:00.000-07:00

Jæja, þá er maður ekki búin að pósta neinu í nokkra daga og ástæðan fyrir því er margþætt. Ég tók upp á því að taka til í saumakassanum mínum og fann fullt af fallegu saumadóti sem ég datt svona rosalega í, en þar sem ég er marga daga með hvert stykki þá er ekkert tilbúið til að sýna, svo ég sýni það bara seinna. Svo er ég búin að vera að hjálpa vinkonu minni henni Hildi Ýr að koma sér fyrir eftir flutninga. Hún flutti núna um helgina í ægilega fína íbúð. Ég er samt búin að skrappa 2 síður um mig í þotualbúm sem mér bárust skemmtilega, en þar sem ég er ekki viss um hvort megi sýna þær síður fyrr en albúmaeigendurnir eru búnir að fá albúmin sín, þá er ég ekki búin að pósta þeim hingað inn.
En í gær fór ég á skrapphitting og dreif í að skrappa síðurnar sem eru hér við hliðina. Myndin á fyrri síðunni er tekinn síðast þegar Rökkvi fór í klippingu og fékk þessa skemmtilegu blöðru í verðlaun. En seinni síðan er með myndum af honum sem eru teknar hér heima, úti á palli. Pappírinn er úr Föndurstofunni og blómin eru frá Prima.

Mömmugrúppan

2007-05-28T03:47:00.000-07:00

Þann 19. maí síðastliðinn hittist mömmugrúppan í Fjölskyldu og húsdýragarðinum til að halda uppá að öll börnin væru orðin 3gja ára. Við hittumst þarna snemma, eða rétt um 10 og þá byrjuðu krakkarnir á því að fara í litlu bílana og keyra, áður en allt fylltist af fólki, við grilluðum svo rétt fyrir hádegi. Allavega, þetta var M12 daginn og bilað mikið af fólki og svona, en alveg æðislega gaman hjá okkur samt. Veðrið var geggjað gott og börnin hlupu um og léku.
Jæja, hér er svo opna með myndunum frá deginum, tók auðvitað fullt af myndum og þetta eru þær bestu. Pappírinn er Fancypants og svo notaði ég nýju embossed Prima blómin, Fancypants chipboard og svolítið bling :)

Nafnið mitt

2007-05-26T11:06:00.000-07:00

Hér er ein síða um nafnið mitt, þetta er auðvitað síða í BOM albúmið mitt. Síðan er úr BG Perhaps línunni, blómið fékk ég hjá Hildi Ýr og titillinn er Prima chipboard (þau eru samt brúnni í alvörunni, ekki svona lillablá, skönnuðust bara svona). Fyrri textinn á síðunni er frá mömmu um afhverju nafnið var valið, hinn textinn er af spjaldi sem ég átti um merkingu nafnsins Sara. En sjálf er ég bara mjög ánægð með nafnið, myndi ekki vilja heita neitt annað :)

Skrappidískrapp

2007-05-25T09:49:00.000-07:00

Jæja, þá er ég búin að skrappa 27 síður í maí, my scans mappan í tölvunni heldur samviskusamlega bókhald yfir það, en ég byrjaði líka í sumarfríi 8. maí og er bara næstum búin að skrappa á hverjum einasta degi síðan, er alveg óstöðvandi.

Hér eru svo síður dagsins, efri síðuna kláraði ég nú samt í gærkvöldi en nennti ekki að setja inn, fór bara að sofa. Hún er í leikskólaalbúmið og er með myndum af Rökkva að tromma á dollur. Ég er voða ánægð með endanlega útkomu á þessari síðu, en það leit ekki allan tímann út fyrir að hún yrði flott. Síðan er úr afgöngum úr Crate pp pakka.

Seinni síðan er í BOM (book of me) verkefninu. Við áttum að telja upp löndin sem við höfum komið til og gera síðu um það, hér er mín. Var í svolitlum vandræðum með að gera þessa síðu því ég átti ægilega fínan landapappír (sem var í ljótapappírsbunkanum) sem ég sá ekki fram á að nota, en ef ekki í þessa síðu þá aldrei, svo ég neyddi mig til að nota þennan pp þrátt fyrir að fíla hann ekki alveg. Skar út Íslandið og notaði svo allra síðustu afgangana af Crate pp pakkanum og á endanum small hún alveg saman, svo ég er sátt :)

Fjör

2007-05-24T14:17:00.000-07:00

Já mér datt enginn betri titill í hug fyrir þessa síðu, enda myndirnar svona svolítið úr öllum áttum, teknar í sama mánuði í leikskólanum. Þessi síða fer semsagt í leikskólaalbúmið. Munstraði pp er Kaleidoscope frá MME og svo er á síðunni BG rubon og BG stafalímmiðar. Ætli þetta verði nú ekki síðasta síðan í dag, en ég held áfram að setja inn síður, því það stefnir allt í annan langan skrappdag með Hildi á morgun, sem er argandi snilld. En við sátum semsagt saman heima hjá mér og skröppuðum í allan dag :)

Síða í leikskólaalbúmið

2007-05-24T06:01:00.000-07:00

Hér er enn ein í leikskólaalbúmið hans Rökkva. Þessi er nú hálfgerð afgangasíða, þar sem ég notaði afganga frá opnunni á undan, skar þá til í reiti og notaði svo blingdútl og TT stimplablóm. Ég er voða sátt við þessa og er farin að hlakka til að sýna leikskólastarfsfólkinu albúmið:)

2007-05-24T01:56:00.000-07:00

Ég er algjörlega ofvirk þessa dagana og bara skrappa og skrappa, en þetta er bara svooooo gaman. Allavega gerði ég þessa síðu í gærkvöldi. Hún er úr Bohemia pp og Bazzill chipboard í titli, smá bling og TT stimplablóm. Myndirnar eru teknar einn daginn núna í maí þegar við fórum í bíltúr í áttina að Laugavatni. Við fórum með teppi og nesti og fórum í alvöru lautarferð. Rökkvi var mjög hrifinn :)

Ég elska Wanted línuna

2007-05-23T14:05:00.000-07:00

og þessi opna er einmitt úr henni :) Myndirnar á vinstri síðunni eru teknar mjög snemma einn morguninn úti á palli. Myndirnar á hægri síðunni eru svo teknar seinna sama dag þegar Rökkvi var að hjálpa pabba sínum og afa að smíða. Ég hef heyrt að hann sé mjög handlaginn hann Rökkvi ;)Síðuna skrappaði ég svo í dag úr Wanted línunni frá Cosmo Cricket. Ég notaði líka aðra dútlstimpla en ég er vön, enda kom Hildur Ýr til mín í dag og við ætluðum að skrappa, en enduðum með að skiptast bara á stimplum og svona. Síðurnar eru svo eftir nýjustu skissunni hennar Þórunnar, en ég bæði speglaði hana og stílfærði aðeins á leiðinni :)

Veskið mitt

2007-05-19T01:48:00.000-07:00

Hér er ein síða í BOM (Book of me) albúmið mitt. Þetta verkefni var einfaldlega þannig að við áttum að sturta úr veskinu og taka mynd af því og segja frá því, allavega var veskið mitt óvenju snyrtilegt þennan dag, enda er ég ekki vön að vera bæði með skólatösku og veski og er ég búin að vera með skólatöskuna í allan vetur og bara nýbúin að skipta yfir í veskið. Allavega, þrælskemmtilegt allt þetta BOM verkefni.

PP er BG Scarletts Letter, og einn pp úr Black Tie, og svo eru þarna Prima blóm, bæði þessi litlu og þetta stóra, eníhú :)

Leikskólaalbúmið

2007-05-18T06:20:00.000-07:00

Ég var að gera enn eina síðuna, þessa hérna, hún er í leikskólaalbúmið hans Rökkva, það er að verða komið fullt albúm með myndum frá fyrsta árinu á leikskóla. Svo fer að koma að því að Rökkvi þurfi að skipta um leikskóla og ég ætla á næstunni að setja smá fútt í að klára þetta albúm og jafnvel líka albúmið með 2. árinu hans. Mig langar svo að fara með þessi albúm og lána leikskólanum til að skoða áður en hann hættir. Ég er nebbla þessi klikkaða mamma sem er alltaf að sníkja myndir brenndar á diska. Þau hengja svo oft upp myndir á veggina fyrir utan deildina og reglulega kem ég með disk og bið um að fá þær, svo ég geti skrappað þær hihi. Þau hafa oft undrast hvað ég sýni þessum myndum miklu meiri áhuga en nokkur önnur mamma, svo nú ætla ég bara að sýna þeim hvað ég geri við þær allar.

Allavega þá er síðan unnin úr bazzil pp í grunninn og Fancypants pp, Fancypants Chipboardi og svo er stimplað með Autumn leaves stimplum og auðvitað pínu bling. Titillinn er úr límmiðastöfum :)

Hjálparkokkur

2007-05-18T04:08:00.000-07:00

Ég fór í gær og skrappaði með henni Agnesi úr dönskunni. Það var ýkt gaman. Og einmitt þar gerði ég þessa opnu um Rökkva litla hjálparkokk. Það er nebbla svo gaman að því hvað hann er orðinn duglegur að hjálpa til með allt. Hann vill geta og gera allt sem ég geri. Hann biður um að fá að koma með í búðina, svo hann geti keyrt kerruna fyrir mig og sett hlutina ofan í og svona. Það eina sem ég þarf að gera er að segja hvað við ætlum að kaupa og borga hehe. Hann heimtar að hella sjálfur mjólk í glasið sitt og hefur hingað til tekist það mjög vel, ég má sko ekki halda í fernuna, en meðan ekki sullast er í lagi að hann fái að spreyta sig. Hann kemur hlaupandi til að hjálpa mér í eldhúsinu og skipar mér að láta pottana vera, hann er sko að hræra hehe "mamma, sú kann ekki, bara ég kann". En eitt kvöldið núna tók ég nokkra myndir af honum í eldhúsinu, finnst hann svo myndarlegur þar og efnilegur kokkur. Pappírinn sem ég notaði er Cosmo cricket Wanted línan, finnst litirnir í pp passa svo vel við litina í myndunum og Rökkvi stendur þá aðeins útúr síðunum því náttfötin hans eru það eina sem sker sig úr. Jæja annars er nú ekkert mikið meira til að segja frá á síðunni :)

Hjólaferð

2007-05-17T02:34:00.000-07:00

Ég byrjaði á þessari síðu í gær og kláraði hana í morgun, hún er eftir skissu frá Beggu skissusnillingi. Pappírinn er úr Lilykate línunni frá BG, og svo notaði ég auðvitað nýju embossuðu primablómin, finnst þau algjört æði sko.

Allavega, myndirnar eru teknar þegar við fórum í fyrstu hjólaferðina á nýja hjólinu sem hann fékk í afmælisgjöf í lok apríl. Það var svo gott veður að ég ákvað að taka hjólið mitt með, sem btw var alveg loftlaust. Allavega, ég labbaði þarna með loftlausa hjólið og við ætluðum út á bensínstöð, og í byrjun var Rökkvi rosalega duglegur að hjóla, svo var hann bara svo þreyttur að þegar við vorum alveg að koma að bensínstöðinni þá bara gafst hann upp, fór af hjólinu og fór að fíflast eitthvað, ég varð alveg vitlaus og reyndi að fá hann til að hjóla pínu meira haha. Þetta endaði með því að ég hringdi í pabba hans, sem þá var á leiðinni heim úr vinnunni og fékk hann til að sækja greyið þreytta strákinn og nýja hjólið, en ég náði sætum myndum af honum meðan hann var duglegur ;)

Bara prófa :)

2007-05-16T14:50:00.000-07:00

Jæja, ég hélt nú sjálf að ég yrði síðasta manneskjan til að fara eitthvað blogga, en ég ákvað nú samt bara rétt í þessu að prófa að halda úti svona skrappbloggi. Hér mun ég pósta inn síðunum mínum og segja hugsanlega eitthvað frá þeim...stundum. Annars verður bara að koma í ljós hvernig þetta verður :)
Allavega, þá ætla ég að láta eina síðu sem ég gerði í dag fylgja með. Myndirnar eru teknar á sumardaginn fyrsta. Snúðurinn minn fór með ömmu sinni á skíði þann dag og kom svona brenndur og sætur heim aftur. Hann er nú búinn að jafna sig að fullu og er bara brúnn og sætur. En síðan er úr Fancypants pp :)